“كل سنة وانت طيب.. مش هتبقى تقيل على حد هنا. انت كبرت يا بابا، وبقيت واخد مساحة زيادة عن اللزوم.”
الشاذلي.
اسمي.
تعب عمري وميراثي.
ضربت الجرس. ممرضة شابة فتحت الباب بابتسامة مؤدبة.
“مساء الخير. حضرتك الحاج الشاذلي؟”
“أيوه..” رديت بهدوء وثقة. “حسين الشاذلي”.
دخلتني للريسبشن. المدير كان قاعد.. راجل في الخمسينات، بشنب رفيع وعينيه مليانة قلة صبر.. بصلي النظرة المعتادة اللي بيبصولها للرجالة اللي المجتمع شايف إن خلاص راحت عليهم.
مجرد راجل عجوز كمان جاي يترمي هنا.
مكنش عنده أي فكرة مين اللي واقف قدامه.
ولا بنتي كمان كان عندها فكرة.
الفصل الثاني: المالك المجهول
المدير، اللي عرفت بعدين إن اسمه “أستاذ رأفت”، بصلي بقرف وقال وهو بيشاور للممرضة:
“خدي بيانات الحاج، وخليه يمضي على إقرار الدخول.. ولو مش بيعرف يمضي، يبصم.”
بصيت له ببرود، ومشيت خطوتين ناحية مكتبه. الممرضة حاولت تمسك دراعي بلطف عشان توجهني، بس أنا سحبت دراعي بهدوء وكملت طريقي لحد ما بقيت قدام مكتب “رأفت” مباشرة.
حطيت الشنط على الأرض بصوت مكتوم، تابع المزيد من القصص على موقع ثقف نفسك ومديت إيدي في الجيب الداخلي للجاكت.. المكان اللي سلوى افتكرت إنه مجرد جيب لراجل عجوز بيشيل فيه مناديل. طلعت “كارت” شخصي دهبي محفور، وحطيته قدامه على المكتب بهدوء.
“مش محتاج أبصم يا أستاذ رأفت.. أنا توقيعي موجود على عقد تعيينك من عشر سنين.”
رأفت بصل للكارت باستهتار في الأول، بس فجأة عينيه وسعت، وشفايفه ابيضت. مسك الكارت وإيده بتترعش.. قرأ الاسم: “حسين الشاذلي – رئيس مجلس إدارة مجموعة الشاذلي القابضة”.
رفع عينه فيا، ورجع بص للكارت، ورجع بصلي تاني. العرق بدأ يتجمع على جبهته.
“حـ.. حسين بيه؟ حضرتك.. حضرتك صاحب المجموعة؟ بس.. بس بنتك الهانم قالت..”
قاطعته بصوت حازم، صوت “الباشا” اللي كان مدفون تحت تراب الحزن بقاله سنين:
“بنتي فاكرة إنها رمتني في مخزن خردة.. متعرفش إنها رجعت الأسد لعرينه. اسمعني كويس يا رأفت.”
رأفت قام وقف بسرعة لدرجة إن كرسيه وقع وراه: “أؤمرني يا باشا.. رقبتي سدادة.”
“مخلوق ما يعرف إني هنا.. ولا حتى مجلس الإدارة. أنا هنا نزيل عادي، اسمي الحاج حسين وبس. عايز أشوف الدار دي بتدار إزاي من غير زواق ولا تجميل. وأي تقصير هشوفه، اعتبر نفسك مرفود انت وطاقم التمريض كله.. مفهوم؟”
“مفهوم يا باشا.. مفهوم طبعاً.”
الفصل الثالث: اللعبة
مر أسبوع.
كنت عايش وسط الناس.. تابع المزيد من القصص على موقع ثقف نفسك شفت قصص توجع القلب. ناس ولادهم رموه بجد، وناس الدنيا جت عليهم. بس كمان شفت إهمال في الأكل، وتأخير في الدوا. كل ده كنت بسجله في نوتة صغيرة معايا. وفي نفس الوقت، كنت بتواصل مع “مجدي”، المحامي بتاعي وصديق عمري، من تليفون المكتب لما المدير يخرج.
“مجدي.. جمدت كل الحسابات؟”
“عيب عليك يا حسين.. البنك المركزي نفسه ميعرفش يصرف مليم لـ سلوى من غير توقيعك الحي. هي فاكرة التوكيل العام لسه ساري، بس أنا لغيته الصبح زي ما أمرت.”
“حلو.. هي هتعمل إيه دلوقتي؟”
“هتجيلك.. سلوى اشترت شاليه في الساحل بشيكات آجلة، ومحتاجة سيولة فوراً. هتجيلك عشان تمضيلها على بيع الفيلا الكبيرة.”
ضحكت بمرارة. “خليها تيجي.. أنا مستنيها.”
الفصل الثالث: المواجهة
يوم التلات، وعربية “سلوى” الفارهة دخلت من البوابة. كنت قاعد في الجنينة، تحت شجرة التوت، لابس بيجامة عادية وشكلي “مكسور” زي ما هي متخيلة.
نزلت من العربية ومعاها راجل لابس بدلة (موظف الشهر العقاري) وواحد تاني شكله سمسار. مشيت ناحيتي بخطوات سريعة، مفيش حتى “ازيك يا بابا”.
“بابا.. كويس إنك صاحي. امضيلي هنا بسرعة.”
رمت الورق في حضني.
بصيت للورق. عقد بيع فيلتي.. بيتي اللي فيه ريحة أمها.. بسعر تراب الفلوس عشان تسد ديونها.
رفعت راسي ليها، وعملت نفسي مش فاهم: “ده إيه يا بنتي؟ أنا مش معايا نضارتي.”
نفخت بضيق: “يا بابا مش وقته.. دي أوراق عشان التامين بتاعك هنا في الدار.. عشان يخدموك أحسن. امضي وخلصنا.”
بصيت للسمسار وللموظف، وبعدين بصيتلها.
“يعني انتي جاية تبيعيني الوهم يا سلوى؟ حتى وانتي بترمي أبوكي، بتكدبي عليه؟”
وشها احمر: “انت بتخرف تقول إيه؟ اخلص امضي وإلا..”
